Ginhatagan sang importansya sang isa ka abogado ang sarang nga mahimo sang ‘Power of contempt’ sa duha ka legislative branch sang Philippine government nga amo ang senado kag house of representatives.
Sa interview sang Bombo Radyo kay Atty. Domingo Oso, Jr., Bombo Abogado, iya ginpahayag nga sandig sa 1987 Philippine Constitution, kon sa diin ang Article VI, section 21, nagasiling nga ang senado kag house of representatives sarang makapatuman sang inquiries.
Suno kay Oso, ini ang probisyon sang konstitusyon nga nagahatag sang poder sa duha ka mga lehislatura sang gobyerno in aid of legislation.
Ginpahayag man sini nga ang legislative inquiry ang ginapatuman sa isa ka kaso agud nga masanagan ukon maklaro sa senado kag sa house of representatives kag mahimuan sang layi nga makabulig solusyon sa isa ka kaso kag sa estado.
Gin-athag man sang natungdan nga mahimo man makabulig ang isa ka legislative investigation agud nga pabaskugon ang isa ka layi paagi sa pag-amyendar diri.
Lakip naman sa isa ka inquiry investigation ang pila ka mga resource persons agud nga suportahan ang isa ka layi nga posible ipasar matapos ang isa ka inquiry.
Nakasulod man sa section 21 sang Article VI ang internal rules sang house of representative kag senate nga nagalakip ang ‘power of contempt’.
