𝗜𝗟𝗢𝗜𝗟𝗢 𝗖𝗜𝗧𝗬 —Nagrekomendar na ang Iloilo City Disaster Risk Reduction Management Council (CDRRMC) nga ibutang sa State of Calamity ang Iloilo City bangud sa mataas nga kaso sang dengue.
Sa interview sang Bombo Radyo kay Iloilo City Mayor Jerry Treñas iya ginpahayag nga kabahin sa naistoryahan sa ginpatigayon nga pagsinapol ang pag-lift naman sang state of calamity sa pertussis sa Iloilo City.
Suno kay Treñas, nakatalana i-rekomendar sa bahin sang Iloilo City Council ang mga resolusyon agud maaprobahan.
Ginpahayag man sini nga alarming na ang kaso sang dengue sa syudad kon sa diin, ginaplano nga magpanagtag sang misting machine sa mga kabarangayan kag eskwelahan.
Nagapati man ang alkalde nga dapat ang mga drainage sang Department of Public Works and Highways (DPWH) ang limpyohan agud nga indi mangin breeding ground sang lamok.
Santo pinakabag-o nga record sang City Health Office, sugod sang Enero tubtob subong nga adlaw, naglab-ot na sa 903 ang kaso sang Dengue, kon sa diin 4 ang na-record nga napatay.
