𝗜𝗟𝗢𝗜𝗟𝗢 𝗖𝗜𝗧𝗬 —Natigayon na nga maturn-over sa Department of Social Welfare and Development (DSWD) ang menor-ded-edad nga suspek sa pagpangawat sa Distrito sang Lapaz, Iloilo City.
Sa interview sang Bombo Radyo kay Police Captain Marlon Perez, hepe sang Iloilo City Police Station 2 (ICPS2) iya ginpahayag nga nadakop ang suspek matapos nga may nakakilala sa iya sa isa ka convenience store matapos man nga nakita nga nagapangawat.
Suno kay Perez, nangin pamilyar sa convenience store ang menor-de-edad bangud man sa anay sini nga kaso sang pagpangawat sa Barangay Bantud, Lapaz, Iloilo City.
Ginpagayag man sini nga nangin kabahin man ang menor-de-edad sa insidente sang snatching sa isa ka mall.
Gintumod man sang natungdan nga may kaupdanan ang suspek kon sa diin, nagakoordinar na sila sa Jaro Police Station agud nga gilayon ini nga matumod kag madakpan.
Gin-ako man ni Perez nga subong lang gid nga Agosto liwat nangin aktibo ang mga kawatan sa syudad bangud man sa mas madamo nga pumuluyo ang nagapadulong sa syudad nga indi pamilyar sa lugar.
