Mayor Treñas, nagtanyag sang P250,000 nga reward sa makatudlo sa mga suspek sa pagpang-ransak sang Iloilo Supermart – Tabuc Suba

ILOILO CITY – Nagtanyag sang reward ang Iloilo City Government sa makatudlo sa mga suspek sa pagpang–ransak sang Iloilo Supermart sa Barangay Tabuc Suba, Jaro, Iloilo City.

Sa interview sang Bombo Radyo Iloilo kay Iloilo City Mayor Jerry Treñas, iya ginpahayag nga P250,000 ang ihatag sini nga reward.

Nagapati naman ang alkalde nga sindikato ang sa likod sang nasambit nga pagpangransak kag indi basta-basta lang nga mga kawatan.

Nahibaluan nga naglab-ot sa P1.3 million ang balor sang kwarta ang nakuha sang mga suspetsado.