On going sa gihapon ang search and rescue operation sang Office of Civil Defense Western Visayas sa mga missing nga indibidwal matapos nga nagkapan ang ila sakayan halin sa Boracay, Aklan kag pakadto sa Caluya Island, Antique.
Sa report sang PCG, anum ang sakay sang isa ka motorbanca, samtang 14 naman sa pihak nga sakayan.
As of press time, ang padayon nga ginapangita amo sanday:
Vic Florendo – Bulao, Camarines Sur
Roel Delloro – Mabini, Goa, Camarines Sur
Joseph Delloro- Tingtingon, Goa, Camarines Sur
Macmac Delloro – Tingtingon, Goa, Camarines Sur
Frankie Gajero – Tigaon, Camarines Sur
Rosauro Delloro – Tingtingon, Camarines Sur
Christian Aguilar – (Inisyal nga impormasyon: taga-Manila)
Sa interview sang Bombo Radyo kay Raul Fernandez, regional director sang Office of Civil Defense Western Visayas, iya ginpahayag nga nagapakig-angot ang ila ahensya sa mga local government unit sang mga biktima.
Suno kay Fernandez, magapatuman sang aerial search sa lugar ang Philippine Air Force agud nga mapadasig ang pag-retrieve sa mga nag-missing nga biktima.
Ginphayag man sini nga tatlo na ka mga bangkay ang nakit-an sang ahensya nga ginkilala kanday:
As of press time, ang na-report nga pangalan sang casualties amo sanday:
Christopher Gajero – residente sang Tigaon, Camarines Sur kag ang bangkay nasapwan sa Brgy. Agojo, Looc, Romblon
Marlon Belleca – residente sang Puting Kahoy, Silang, Cavite kag ang bangkay nasapwan sa Sitio Sto. Nino, Pob. Looc, Romblon
Unidentified nga isa pa ka tawo nga ang bangkay nasapwan sa Tigaon, Camarines Sur
Gin-athag man sang natungdan nga natigayon na nga mapadulong pabalik sa Caluya, Antique ang pulo ka mga survivors sa amo nga insidente.
Gin-ako man sang ahensya nga medyo nabudlayan sila sa pagpangita sang mga missing bangud man sa malain nga panahon.
