Nagsirado sang mabaskog ang Philippine peso sa katapusan sang trading day subong nga Agosto apisar sang projection sang bangko sentral nga nagnubo ang inflation subong nga bulan.
Bangud diri, ang local currency nagsaka sang P17.2 centavos batok sa US dollar, nga nagsirado sa P56.11 sang Biyernes gikan sa P56.28 sang Huwebes.
Suno sa chief economist nga si Michael Ricafort, ang pagsirado sang peso sang Agosto 30 amo ang pinakamabaskog sa sulod sang lima ka bulan sang ini ang nagsirado sa P56.03 per $1 sang Marso 21, 2024.
Sa iya forecast, ang BSP nagsiling nga ang inflation rate sa Agosto mahimo nga mag-untat sa sulod sang 3.2% tubtob 4%, isa ka paghinay halin sa 4.4% nga nakit-an sang Hulyo.
