Napabilin sang Tropical Storm “Enteng” ang pwersa sini samtang nagahulag pa-naaminhan nakatundan sa kadagatan sang Camarines Norte.
Base sa 2:00 am weather bulletin sang PAGASA, ulihi nga nakit-an ang sentro sang bagyo sa coastal waters sang Vinzons, Camarines Norte kun sa diin dala sini ang kabaskugon sang hangin nga 65 km/h malapit sa sentro kag pagmadlos nga tubtub sa 80 km/h.
Nagahulag ini sa kadasigon nga 30 km/h.
Yari ang mga lugar nga napaidalom sa Tropical Cyclone Wind Signal No. 2 kun sa diin may warning lead time nga 24 oras kag may minor to moderate threats sa kabuhi kag propiedad.
Sa Luzon:
- northeastern portion sang Camarines Norte (Vinzons)
- northeastern portion sang Camarines Sur (Garchitorena, Caramoan, Presentacion, San Jose, Lagonoy, Tinambac, Siruma), Catanduanes
- eastern portion sang Cagayan (Pe, Gonzaga, Santa Teresita, Buguey, Lal-Lo, Gattaran, Baggao, Santa Ana)
- eastern portion sang Isabela (Palanan, Divilacan, Dinapigue, San Mariano, Maconacon, San Pablo, Cabagan, Ilagan City, Tumauini)
May mga napaidalom man sa Signal Number 1 nga may warning lead time nga 36 hours kag may minimal to minor threat sa kabuhi kag propiedad.
Sa Luzon:
- southern portion sang Batanes (Sabtang, Ivana, Uyugan, Mahatao, Basco), Apayao, eastern portion sang Kalinga (Tanudan, City of Tabuk, Balbalan, Pinukpuk, Rizal, Lubuagan), eastern portion sang Mountain Province (Barlig, Natonin, Paracelis), ang eastern portion sang Ifugao (Banaue, Hingyon, Lagawe, Lamut, Mayoyao, Alfonso Lista, Aguinaldo), nabilin nga bahin sang Cagayan lakip ang Babuyan Islands,nabilin nga bahin sang Isabela, Quirino, ang eastern portion sang Nueva Vizcaya (Alfonso Castaneda, Kasibu, Dupax del Norte, Bagabag, Diadi, Quezon, Villaverde, Solano), Aurora, ang northern kag southern portions sang Quezon (Tagkawayan, Guinayangan, Buenavista, San Narciso, Mulanay, San Andres, San Francisco, Lopez, Calauag, Catanauan, Gumaca, Macalelon, General Luna, Quezon, Alabat, Perez, General Nakar, Infanta, Real, Mauban, Unisan, Pitogo, Padre Burgos, Atimonan, Agdangan, Plaridel) lakip ang Polillo Islands, nabilin nga bahin sang Camarines Norte, nabilin nga bahin sang Camarines Sur, Albay, Sorsogon, ang northern portion sang Masbate (City of Masbate, Aroroy, Baleno, Mobo) lakip ang Ticao and Burias Islands
VISAYAS:
- Northern Samar
Base sa track forecast, magahulag si Enteng pa-naaminhan nakatundan sa masunod nga 24 oras kag ginalantaw nga makalab-ot sa baybayon sang Isabela kag Cagayan karon sa gab-i.
Halin karon sa gab-i tubtub buwas sa aga, magahulag ang bagyo pa-naaminhan nakatundan kag posible mag-landfall sa vicinity sang mainland Northern Luzon ukon Babuyan Islands.
Sa Myerkules, ginalantaw nga mga magahulag ini pa-nakatundan naaminhan nakatundan samtang nagadasig kag magaguwa sa Philippine Area of Responsibility sa gab-i sang amo nga adlaw ukon sa Huwebes sang aga.
Base sa forecast, magapabilin ini nga isa ka tropical storm tubtub buwas, magabaskog sa severe tropical storm sa Miyerkules, kag posible nga magdangat sa peak category nga typhoon sa Huwebes.
Ang posible nga pinakamataas nga Wind Signal nga ipaguwa samtang yara si Enteng amo ang Signal No. 2 ukon 3.
Mahimo suno sa PAGASA nga may pagbag-o sa intensity forecast samtang yara ini sa Philippine Sea.
