Ginpasigurado ni President Ferdinand ”Bongbong” Marcos Jr. sa publiko nga naga-monitor ang gobyerno sa paglaslas sang Bagyo Enteng.
Suno kay Marcos, preparado sila sa possible aftermath sang bagyo.
Ginpahayag man sini nga ginasunod sang mga ahensya ang standard operating procedures sa tunga sang malain nga panahon.
Sa subong, nabatak sa gihapon ang Tropical Cyclone Wind Signal (TCWS) No. 2 sa siyam ka mga lugar sa Luzon kag maga-landfall sa Isabela ukon Cagayan.
Nagdangat naman sa duha ka mga tawo ang napatay kag 10 ang napilasan sa Central Visayas.
Gin-athag man sang presidente nga indi niya anay pagsapulon ang National Disaster Risk Reduction Management Council (NDRRMC) sa diin pabay-an niya anay ang mga ini nga magtrabaho.
”So that’s what we are watching now, and we’re prepared for the aftermath of all of this, and as usual nag-forward placement na tayo ng mga pangangailangan, we will just have to wait for the weather to see what it will do. Hopefully umiwas sa atin but even if it does not, we have all the elements in place to support our people na magiging… mahihirapan dahil dito sa naging Bagyong Enteng.”
Samtang, nagpanawagan naman ang presidente sa mga local government units (LGU) nga magpagwa sang abiso sa suspensyon sang klase kag trabaho sa gab-i pa lang.
