Nagpaathag si Iloilo City Mayor Jerry Treñas sa publiko kaangot sa suspension sang klase sa syudad bangud man sa epekto sang Bagyong Enteng.
Sa interview sang Bombo Radyo kay Mayor Treñas, iya ginpahayag nga indi makadali-dali suspend ang city government sang klase bangud naga-rely man ini sa mangin rekomendasyon sang operation centers (OPCEN) nga nakabase man sa forecast sang Philippine Atmospheric, Geophysical and Astronomical Services Administration (PAGASA).
Suno kay Treñas, kon ang monsoon rains ang ma-enhance sang bagyo, indi na ini madala sa forecast sang PAGASA.
Ginpahayag man sini nga nakabase man ang syudad sa forecast sang PAGASA rason man nga indi makadali-dali pasa sang recommendation ang City Disaster Risk Reduction Management Office (CDRRMO).
Liwat man sini ginpahanumdom nga may otoridad man ang tagsa ka school heads sa isa ka eskwelahan agud nga suspendihon ang ila nga klase kon malain ang tyempo.
