Nagpabutyag si Land Transportation Franchising and Regulatory Board (LTFRB) Region 6 Director Richard Osmeña nga daw naipit siya may kaangtanan sa hingyo sang mga drivers nga ibalik ang lima ka tuig nga prangkisa kag pagpamatok sa consolidation.
Sa interview sang Bombo Radyo kay Osmeña, iya ginpahayag nga ang resolution no. 694 nga gin-file sang Bacolod nga nagapanawagan nga buligan ang unconsolidated sector sang operators kag drivers agud nga maparehistro liwat ang iya gilayon ginpasa sa central office sang ahensya.
Suno kay Osmeña, wala ini natutokan gilayon bangud kahapon kag subong nga adlaw ang wala sang trabaho bangud man sa malain nga tyempo.
Gin-athag man sini nga gilayon man siya nga nakig-angot sa executive director kon sa diin, nagpasalig man ini sa iya nga ikonsiderar ini sa board apang kinahanglan anay nga diskusyonan.
Gin-ako man sang natungdan nga indi ini mahapos pagasapolan nga resolution bangud kinahanglan man nga ikonsederar ang national nga basis bangud indi pwede nga selective lang.
Nagalaum man ini nga maintindahan sang mga drivers kag operators kag mahatagan sang malawig nga pasensya.
Gintumod man sang direktor nga indi siya makahatag sang timeline kon san-o ini maaprubahan bangud man indi niya control ang nasyonal nga bahin sang ahensya.
