Nagsaka na sa 13 ang na-report nga patay bangud sa paglaslas sang Bagyo Enteng.
Suno kay Office of Civil Defense (OCD) spokesperson Edgar Posadas, sa nasambit nga numero, walo ang patay sa Riza, tatlo sa Bicol kag duha sa Cebu province.
“Meron pong dalawa sa Cebu. Ito po yung nabagsakan ng pader tapos yung isa pong pader na nakakabit sa bahay. Meron din tayong kinukumpirma, bina-validate together with our regional office of Bicol. Tatlo po yun. Meron din po dito sa Calabarzon, particularly sa Rizal po, walo po ang kinukumpirma natin diyan. Karamihan po yung sa Antipolo po.”
Gin-athag ni Posadas nga padayon pa nila nga gina-verify ang nasambit nga reports.
Samtang, 10 naman ang na-report nga pilason sa Cebu.
Sa kabug-usan, 24,043 ka mga indibidwal kag 6,052 ka pamilya ang apektado sang bagyo sa Bicol, Central kag Eastern Visayas regions.
Sa subong, anom ka mga lugar ang napaidalom sa Tropical Cyclone Wind Signal (TCWS) No. 2 samtang padayon nga nagahulag ang bagyo sa West Philippine Sea.
Ginalauman naman nga magwa ini sa Philippine area of responsibility sa Myerkules sang aga.
