ILOILO CITY – Arestado ang duha ka mga durugista sa ginpatigayon nga drug buy-bust operation sa Brgy. Balabago, Jaro, Iloilo City.
Ang mga ini amo sanday Julius Dela Peña, 24, residente sang Brgy. Buntatala, Jaro, Iloilo City kag Luther Evangelista, 50, residente sang Brgy. Ticud, La Paz, Iloilo City.
Sa interview sang Bombo Radyo kay Police Major Eduardo Siacon Jr., hepe sang Iloilo City Police Station 9, iya ginpahayag nga duha ka semana nga ginbantayan ang mga subject antes natigayon ang operasyon.
Suno kay Siacon, nabaklan ang mga durugista sang isa ka plastic sachet sang suspected shabu balor P3,500.
Sa kabug-usan nakuhaan ang mga ini sang 18 grams sang suspected shabu balor ₱122,400.
Sa subong, preso na ang mga ini kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
