Nakatalana nga magsapol ang Committee on Public Private Partnership (PPP) sang Iloilo City Government kaupod ang Aboitiz Group.
Ini kaangot man sa ginpasa nga request of consideration sang Aboitiz Group nga ikonsidera ang ila proposal sa bulk water supply.
Sa interview sang Bombo Radyo kay Atty. David Abraham Garcia, vice chairman sang Committee on Public Private Partnership, iya ginpahayag nga nagpadulong ang Aboitiz Group sa talatapan sang Lunes nga adlaw agud nga mag-eksplekar sang ila nga tinutuyo nga maglatag sang plano kaupod ang bilog nga komitiba.
Suno kay Garcia, indi niya man gilayon nga ma-convene ang committee atubangon ang kompanya bangud sa short notice.
Gin-athag man sini nga ang komitiba lang ang may ikasarang nga makadesisyon sa ginahingyo sang Aboitiz Group.
Ginpahayag man sang natungdan nga tuyo nga iplab-ot sang kompanya nga may yara sang 360 days ang city government agud nga asikasuhon ang water rights ukon permit.
Samtang gintumod man sang Aboitiz Group nga ang ila ginhatag nga una nga presyo sang tubig ang subject for negotiation kag indi pa pinal.
Ini ang rason man kon ngaa ginatulod sang kompanya ang evaluation process antes magpatuman sang negotiation stage.
Una nga reject sang komitiba ang proposal sang Aboitiz Group bangud man sa mahal nga presyo sini nga nagalab-ot sa P51 per cubic meter.
