Ginkwestyon ni Iloilo City Councilor Urminico “Nick” Baronda ang Committee on Good Government, Public Accountability and Appropriations kon ngaa wala sa gihapon na-grant ang ginahingyo sang Iloilo City Council nga bag-o nga posisyon.
Sa interview sang Bombo Radyo kay Councilor Baronda, iya ginpahayag nga dugay na nga gina-request sang Iloilo City Council ang dugang nga mga posisyon, rason man kon ngaa ginpamangkot niya si Iloilo City Councilor Rex Sarabia sang update diri.
Suno kay Baronda, ila ginsabat sa request amo ang indi essential kag wala ma-justify sang Iloilo City Council ang request nga rason agud ginaduso sang natungdan ang secretariat sang Iloilo City Councilb agud istoryahan kag mapat-ud nga essential ang nasambit nga request.
Ginpahayag man sini nga wala ini makahibalo sang rason kon ngaa wala sa gihapon naaprubahan ang ila request apisar nga nauna sila sangsa sa executive branch.
Magahulat naman ang natungdan sa mangin desisyon sang executive department sang ila gina-request.
