Nasapwan nga wala na sang kabuhi ang isa ka senior citizen sa Barangay San Isidro, Jaro, Iloilo City.
Ang biktima amo si Juanita Delos Santos, 66-anyos, kag residente man sang nasambit nga lugar.
Sa interview sang Bombo Radyo kay Acting Punong Barangay Ruby Gallano sang Brgy. San Isidro, Jaro, iya ginpahayag nga Septyembre 4, 2024 sang nadula ang tigulang.
Suno kay Gallano, sa inisyal sini nga pagkahibalo, masami nga nagapanghalay ang biktima malapit sa lugar.
Ginpahayag man sini nga anay na nga nagpangayo sang bulig ang pamilya sang biktima sa mga local media agud nga makita ang tigulang.
Pagaimbestigaran naman sang otoridad ang insidente agud matumod ang rason sang kamatayon sang senior citizen.
