Nagpaandam si Department of Agriculture (DA) Secretary Francisco Tiu Laurel Jr. sa mga traders nga nagahimo sang tikang agud mabutang sa delikado ang ikaayong lawas sang mga consumers.
Ini ang kasunod man sang natukiban sang Bureau of Plant Industry (BPI) nga nagpositibo sa pesticides kag heavy metals ang mga ginpalapaw nga mga utanon sa Navotas.
Sa nasambit nga insidente, masobra 300 ka tonelada nga white onions, carrots, kamatis kag enoki mushrooms ang nakumpiska gikan sa makeshift cold storage facilities kag 40-footer container van sa tunga-tunga sang Agosto bangud sa kakulang sa sanitary and phytosanitary import clearances para sa pag-import.
“We cannot risk the health of Filipino consumers. The DA legal team will determine legal actions that can be taken against these unscrupulous traders who not only evaded tariffs but also endangered consumer health.”
Suno kay Laurel, ginatun-an na subong sang legal team sang ahensya ang ipasaka sang kaso batok sa mga nagapamentaha nga traders.
Samtang suno naman kay Plant Industry Director Gerald Glenn Panganiban, nagpositibo ang mga utanon sa nagkalain-lain nga pesticide residues nga “harmful to humans,” lakip na ang organophosphates, organochlorines, kag pyrethroids, mangin ang heavy metals kaangay sang cadmium kag lead.
Magluwas diri, natumod man ang microbial contaminants lakip na ang E. coli, Listeria monocytogenes, kag Salmonella.
“The food safety analysis confirms that the allegedly smuggled crops contain pesticide residues, heavy metals, and microbiological contaminants that do not comply with our food safety regulations.”
