Nagsugod na kahapon, Septyembre 9, kag magalawig tubtub Septyembre 12 ang Annual Meeting of Catechetical Ministers (AMCM) 2024 nga ginapatigayon sa Iloilo.
Ini ang amo ang tuigan nga pagtilipon sang catechetical heads, ministers, kag leaders halin sa 16 ka ecclesiastical provinces sa bilog nga pungsod nga nagatiglawas sa Luzon, Visayas, kag Mindanao.
Sa interview sang Bombo Radyo kay Reverend Father Rex John Palmos, Commission Director sang Jaro Archdiocesan Commission on Catechesis and Catholic Education, iya ginpahayag nga ini nga conference nga gina-facilitate sang Western Visayas Region paagi sa Archdiocese of Jaro, ang nagatuyo nga magtutok sa pagpabaskog pa sang ministry of catechesis paagi sa discussions, workshops, kag keynote sessions.
Apat man ini ka adlaw sang inspirasyon, reflection kag connection nga mahimo gid matabo paagi sa serye sang mga topiko sa catechesis tubtub sa eucharistic celebrations, socials, kag pilgrimage sa maragtason nga mga simbahan sa Iloilo.
Ang una nga adlaw sang conference amo man ang nagbukas sang selebrasyon sang Catechetical Month kag naghatag man sang festive kag colorful welcome sa Iloilo religious custom and traditions.
Kahapon ginpatigayon ang opening program, opening mass sa pagpanguna ni Jaro Archbishop Most Rev. Jose Romeo Lazo, D.D, kag welcome dinner and program sa Plazuela de Iloilo.
Matandaan nga sang nagligad nga tuig, ginpatigayon ang AMCM sa St. Joseph Cathedral sa Balanga City sa lalawigan ng Bataan.
