Nagnubo ang numero nga naaresto sang Iloilo Police Provincial Office (IPPO) nga mga indibidwal nga nagapatigayon sang illegal gambling sa Iloilo.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga ini kasunod man sa legal ukon authorized nga small town lottery (STL) nga ginapatuman sa probinsya sang Iloilo.
Suno kay Araño, bangud nakahibalo ang mga residente nga may yara na sang legal nga pahampang, mas ginapili na lang nila ini, kasunod man sa mas hugot nga pagbantay sang kapulisan sa mga nagapasakop sa iligal nga aktibidad.
Ginpahayag man sini nga nagapati siya nga nakit-an sang mga nagataya, nga mahimo nila makuha gilayon ang ila nga mga papremyo kon sila ang madaog sa legal nga pamaagi.
Ginakabig naman sang natungdan nga dako nga bulig sa talatapan ang mga authorized lottery bangud tuman ka laka subong ang nagapakigbahin sa iligal nga mga pahampang.
