Ex-First Lady Marivic Mabilog: I had been crying myself to sleep, but I am strong, right? Strong-willed, Jed said

Nagpagwa sang official statement si former Iloilo City First Lady Maria Victoria ‘Marivic’ Mabilog kasunod sang pagpauli na sa Pilipinas sang iya bana nga si ex-Iloilo City Mayor Jed Patrick Mabilog.

Sa iya official statement nga ginpadala sa Bombo Radyo Iloilo, ginpahayag sang anay First Lady nga ginakabig niya nga daw kaangay sang rollercoaster ang ila naagyan.

“It has been a rollercoaster ride the last few days. I tried to stay upbeat and even managed to post some funny memes to comfort myself and our many friends who felt our pain.”

Ginbalikan man sini ang natabo sang 2017 sa diin nagbiya sila sa Pilipinas matapos nakabaton sang pamahog sa kabuhi ang anay alkalde halin kay former President Rodrigo Duterte sa diin ginbansagan pa ini nga protector sang iligal nga droga.

“But it has been difficult, heartbreaking at times. To be honest, I am still conflicted. The trauma of 2017, where I was literally on the run with an 8-year-old boy just to stay alive, survive that darkest night, is gushing down and I get that drowning feeling. I had been crying myself to sleep, but I am strong, right? Strong-willed, Jed said. In my own interpretation of his words, tig-ulo and a pain in the neck, too. Ha.ha.”

Ginpaathag man sini nga emosyonal ang iya mga anak nga sanday Nathan kag Patricia matapos nakita sang mga ini ang ila amay nga naghibi samtang ginapatpat ang naagyan nga kasakit ilabi na sang napatay ang iloy sang anay alkalde nga si Melchorita, sa diin wala sila nakapauli tubtob nga nalubong na lang ini.

“Watching Jed bare his heart on national TV was overwhelming. The kids were crying and I had to explain it to them that on TV was precisely the reason why in the end I allowed their Dad to go home. He needed closure. He needed to visit his Mom’s final resting place. He needed to redeem his honor of which he had worked so hard to earn. He needed to protect his legacy for which he dedicated most of his life to achieve.”

Ginpasalamatan man ni Marivic ang tanan nga nagbulig agud safe nga makagwa ang mga ini sa Pilipinas sang amo nga tion.

“Truth be told, I must not forget to mention that on that fateful night of August 28th, there was one steadfast friend who stayed with me and Nathan until we were safely out of the country. Thank you from the bottom of my heart. I won’t ever forget.”

Mangin ang mga Sisters of Dominican Order suno sa natungdan ang nagbulig man sa pagpangamuyo para sa ila tubtob nangin safe ang ila flight pagwa sa Pilipinas.

Matandaan nga kahapon sang nag-abot sa Pilipinas ang anay alkalde matapos ang halos pito ka tuig nga pagtinir sa luwas sang pungsod.

Sa iya pag-abot sa Ninoy Aquino International Airport (NAIA) Terminal 3, ginabanta 11:00 AM, sakay sang Cathay Pacific flight halin sa New York, United States, ginsugata ang anay alkalde sang mga operatiba sang National Bureau of Investigation (NBI).

Ginkumpirma ni NBI Director Jaime Santiago nga boluntaryo nga nagsungka ang anay alkalde sa mga tinawo sang NBI-NCR.

Suno kay Santiago, gin-isyu ang warrant of arrest bangud sa mga paglapas sa Republic Act 3019 ukon Anti-Graft and Corrupt Practices Act kag Code of Conduct and Ethical Standards.

Yara ang anay alkalde sa kustodiya sang NBI kag gindala sa Sandiganbayan kag nagpiyansa sa balor nga P90,000 para sa iya nga temporary nga kahilwayan.

Ang anay alkalde ang ginapahayag nga nalakip sa mga gin-imbitar nga Resource Persons nga magatambong sa pagpadayon sang Quad Committee House Probe sa bwas.