Sulod ang duha ka graduates sang West Visayas State University (WVSU) – Main Campus sa topnotchers sa bag-o lang ginpaguwa nga resulta sang September 2024 Librarian Licensure Exam (LLE).
Ini amo sanday Melgie Gabasa Pacardo nga nagpang-anum sa pwesto kag John Albert Baisa Gayatinea nga Rank no. 7.
Nakakuha si Pacardo sang 87.90% nga rating samtang si Gayatinea naman ang may 87.65%.
Ginpahayag man sang Professional Regulation Commission (PRC) nga nagpanguna ang WVSU sa mga eskwelahan nga may 10 ukon masobra pa nga examinees sa amo nga pasinawan.
14 halin sa buluthuan ang nakakuha sang exam nga lunsay nakapasar ukon may 100% nga rating.
Sa record sang PRC, kabug-usan nga 771 ka graduates ang nag-take sang exam sang Septyembre kun sa diin 376 sa bilog nga pungsod ang nakapasar ukon may katumbas nga 48.77%.
Ang nagpanguna sa lista sang topnotchers amo si Anne Francia Matias Chavez halin sa Bestlink College of the Philippines nga may rating nga 90.70%%.#
(Photo: WVSU/FB)
