ILOILO CITY-Maga-deliver sang pinakauna nga State of the Province Address si Governor Arthur Defensor Jr.
Sa interview sang Bombo Radyo kay Governor Defensor, iya ginpahayag nga may yara na sang inisyal nga petsa para diri.
Suno kay Defensor, siya mismo ang magasulat sang iya speech.
Ginpahayag niya nga sa subong, ginaamat-amat na niya tipon ang mangin kaundan sini paagi sa pagpangayo sang report gikan sa tagsa ka department head sa kapitolyo.
Gin-ako naman sang opisyal nga gakaapektuhan lang ang iya preparasyon bangud sa paghatag niya sang tiempo sa pila ka importante nga responsibilidad.
Kaangay sini ang hugot nga kampanya batok sa dengue ilabi na subong nga yara sa idalom sang state of calamity ang probinsya.
