Gin-inagurahan na ang bag-o nga pipeline project sang Metro Pacific Iloilo Water (MPIW) sa Tabuc Suba, Jaro, Iloilo City.
Sa interview sang Bombo Radyo kay Angelo Berba, Chief Operating Officer sang Metro Pacific Iloilo Water, iya ginpahayag nga ang gintukod nga proyekto ang makaserbisyo sa 1,500 ka mga residente lakip ang Sitio Ilaya, Barangay Tabuc Suba, kag Barangay San Isidro, Jaro.
Suno kay Berba, ang pipeline ang may kalabaon nga 925 linear meters nga may tuyo nga maserbisyohan ang Distrito sang Jaro.
Gintumod man sini nga ang USWAG Condominium ang mangin kabahin man sa mahatagan sang tubig paagid sa P7 million nga proyekto.
Samtang, nagpaathag man ang water distributor nga kabahin sang water pipeline project ang Barangay Sinikway, Lapuz kon sa diin anay nga ginpa-Bombo sang mga residente bangud sa wala nagatubod nga tubig.
Tuyo man nga imbestigaran sang talatapan ang reklamo agud matumod ang problema.
Nagaplano man ang water distributor nga pasangkaron ang ila nga water tankering kag serbisyo sa masunod pa nga mga proyekto.
