Gin-athag ni Dr. Pacita Gonzalez, asawa ni Former Iloilo City Representative Raul Gonzalez nga indi na ini mag-intra pa sa pulitika.
Ini ang ginpahayag ni Gonzales kasunod sang kahiwatan sa pagdumdom sang 10th death anniversary sang anay mamalidha sang syudad.
Sa interview sang Bombo Radyo kay Dr. Gonzalez, iya ginpahayag nga malipayon sila sa ila nga estado nga nagapadayon nga nagabulig sa mga residente sang syudad.
Suno kay Gonzalez, saksi ang pumuluyo sa ginbilin nga legasiya sang anay mamalidha ang nagtatak gid sa syudad.
Gin-ako man sini nga indi na niya masarangan pa ang magserbe sa politika, apang wala man sini gintumod kon magapadalagan ang iya nga mga anak.
Malipayon man ini nga paagi sa pagdumdom sa kamatayon ni Former Iloilo City Representative Raul Gonzalez, nahatagan sang kahigayonan agud sila ang makapatigayon sang libre nga medical para sa mga pumuluyo sang syudad.
Samtang, nagalaum si Dr. Marigold Gonzalez nga ituad ni Mabilog ang matuod sa likod sang pag-tag sang anay administrasyon ni Former President Rodrigo Duterte.
Ginpahayag man sini nga bisan siya ang wala nagapati nga “indi shabulized” ang Iloilo City.
Ginkwestyon man sang natungdan kon ngaa ginapanginwala nga indi shabulized ang syudad bangud may mga nagakalamatay sa gihapon nga mga durugista sa Iloilo City.
Apisar sa pagpanindugan ni Gonzales nga shabulized ang syudad, ginakalipay niya ang pag-abot sang anay alkalde sa pungsod apang luyag sini nga magsugid si Mabilog sang matuod sa Quad Hearing.
