Ginkantahan sang Iloilo Provincial Government sa pagpanguna ni Governor Arthur Defensor Jr. sang “Happy Birthday” si President Ferdinand “Bongbong” Marcos Jr.
Subong nga adlaw ang ika-67 nga kaadlawan sang Presidente.
Sa interview sang Bombo Radyo kay Governor Defensor, iya ginpahayag nga ang importansya sang kaadlawan sang presidente amo ang mga kasimanwa ukon Pilipino nga nagatib-ong sang “Bagong Pilipinas.”
Suno kay Defensor, ang kalabanan nga mga proyekto nga nagahalin sa gobyerno ang nagatupa sa mga kasimanwa nga Ilonggo nga yara sa mga kabarangayan.
Ginhatagan man sini sang importansya ang rolyo sang mga punong barangay sa tagsa ka banwa sa probinsya.
Nahibaluan nga ang birthday celebration ni Pres. Marcos ang ginpaagi sa simultaneous distribution sang government assistance nationwide.
