Nagpangayo sang pasaylo si Iloilo Liga ng mga Barangay President Amalia Debuque sa publiko kasunod sang posible nga pagpugok sang trapiko bangud sa hiwaton nga Iloilo Liga Day buwas nga adlaw.
Sa interview sang Bombo Radyo kay Board Member Debuque, iya ginpahayag nga ginalauman ang moderate to heavy traffic malapit sa Iloilo Sports Complex kon sa diin hiwaton ang aktibidad.
Suno kay Debuque, nagkoordinar naman sila sa City kag Provincial Police personnel agud nga matutokan ang dalagan sang trapiko.
Ginpahayag man sini nga ini agud masekyar man ang seguridad sang mga Very Important Person (VIP) nga magatambong sa kahiwatan.
Ginalauman naman ang kapin 12,000 ka mga delegates sa amo nga event ang magapaedulong sa syudad nga naggikan sa nagkalain-lain nga lugar sa Iloilo.
