Nagpatigayon sang ocular inspection ang Guimbal Municipal Disaster Risk Reduction Management Office (MDRRMO) kaupod ang opisyales sa mga pamilya nga naapektohan sang mabaskog nga balod kag dapya sang hangin sa Guimbal, Iloilo.
Sa interview sang Bombo Radyo kay Cornelio Salinas, Head sang Provincial Disaster Risk Reduction Management Office (PDRRMO), iya ginpahayag nga sa na-record sa Brgy, Nanga, Guimbal ang tatlo ka mga totally damaged, kag lima ka mga partially damaged nga panimalay.
Suno kay Salinas, ini bangud man sa mabaskog nga balod kag hangin nga dala sang habagat kag ni Tropical Storm Ferdie.
Ginpahayag man sini nga may yara man sang pulo ka mga pamilya sa amo nga banwa ang nabahaan bangud sa pagtaas sang tubig-baha sa suba.
May na-record man ang PDRRMO nga 12 ka mga pamilya nga boluntaryo nga nag-evacuate sa Brgy. Siwaragan, San Joaquin, Iloilo agud nga malikaw sa dugang nga epekto sang malain nga tyempo.
Nabalhag man ang apat ka mga pamilya nga naapektohan sang landslide.
Samtang, sa subong yara sa normal ang lebel sang tubig-baha samtang padayon ang ila nga monitoring.
Nakahatag naman ang talatapan sa MDRRMO officers sang instructions sa mga tikang agud nga malikawan ang mga insidente.
Gin-alerto man ang mga volunteer groups agud nga makabulig kon kinahanglan sang manpower.
