Naglab-ot sa 162 ka mga salakyan ang na-clamp sang Iloilo City Traffic Management Unit (ICTMU) sa sulod sang tatlo ka semana.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic Management Unit, iya ginpahayag nga ini ang resulta man sang sunod-sunod nga hugot nga pag-implementar sang amo nga tikang.
Suno kay Garbanzos, sa kabug-usan nga 162 ka mga salakyan, 138 diri ang four wheels, 15 naman ang mga motorsiklo, kag walo ang mga tricycle.
Ginpahayag man sini nga ang talatapan ang may yara sang 40 ka mga clamping equipment para sa four wheel, samtang 50 naman para sa mga motorsiklo.
Gin-athag man sini nga kon maggawad sang salakyan may multa sang P1,000 para sa light vehicles, P1,200 medium vehicles, kag P1,500 naman para sa heavy vehicles.
Ginklaro man sang natungdan nga kon sin-o man ang magtuyo nga kakson ang ginbutang nga clamp sa royda ang pagamultahan sang P5,000.
