ILOILO CITY- Ginbawian gid sang kabuhi ang driver sang truck matapos ginluthang sa Barangay Mandog, Maasin, Iloilo.
Ang biktima amo si Arvin Morbo, 42, residente sang Barangay Caigan, Maasin.
Sa interview sang Bombo Radyo kay Police Major Jose Nemias Pamplona, hepe sang Maasin Municipal Police Station, iya ginpahayag nga base sa imbestigasyon, may nakakita nga nagsumalangay ang biktima kag ang suspek nga si Noel Policarpio kag hinali lang nga gintiro ini sang suspek sang pila ka beses.
Suno kay Pamplona, wala man sang ihibalo ang pamilya kun may hiligut-anon sa tunga nanday Morbo kag Policarpio.
Natigayon naman nga madakpan ang suspek kag natalana nga pasakaan sang nagakaigo nga panumbungon.
