Ginkumpirmar sang National Maritime Council (NMC) sang Domingo nga naghalin na sa Sabina Shoal ang BRP Teresa Magbanua, nga kilala man sa ngalan nga Escoda Shoal, matapos ang ila misyon didto sa sulod sang lima ka bulan.
Suno kay National Maritime Council chairperson Executive Secretary Lucas Bersamin, ang “repositioning” sang BRP Teresa Magbanua — ang pinakadaku nga sakayan pandagat sang Philippine Coast Guard (PCG) — magahatag sang dalan agud masabat ang mga kinahanglanon medikal sang pila ka mga tripulante sini, magpaidalom sa pagkay-o, kag tugutan man ang mga tripulante nga magbakasyon kag makaupod ang ila mga pamilya.
Dugang ni Bersamin, pagkatapos sang masobra lima ka bulan sa dagat, ginhimo sang barko ang iya mga katungdanan sa pagbantay batok sa pagpamahog sang China.
Ginpahayag man sini nga sa tion sang iya pag-deploy sa Escoda Shoal, gin-atubang sang barko ang paglikop sang mas daku nga flotilla of intruders, nakig-away sa malain nga panahon,sa diin, ang mga tripulante nakalampuwas sa pagnubo sang adlaw-adlaw nga mga probisyon.
Ang Executive Secretary nagsiling nga ang BRP Teresa Magbanua magapadayon sang iya misyon bilang mga manugpangapin sang aton soberanya, pagkatapos nga ini ang ma-resupply, ma-repair, kag ma-recharge ang iya mga tripulante.
Nahibaluan nga ang barko sang PCG nadestino sa Sabina Shoal halin sang Abril sini nga tuig sa tunga sang mga report sang mga hilikuton sang China sa pag-reclamate sa lugar.
Sang Agosto 31, isa ka sakayan pandagat sang CCG ang “tuyo” kag sulit-sulit nga nagbunggo sa BRP Teresa Magbanua sa Sabina Shoal, nga nagbuho sa hull sang barko nga tuman kadaku nga pwede maagyan sang isa ka tawo.
Ang Sabina Shoal nahamtang sa 75 nautical miles ukon mga 140 kilometros gikan sa Palawan kag ginakabig nga yara sa sulod sang 200-nautical-mile exclusive economic zone sang Pilipinas.
