Nag-abiso ang pila ka mga barangay officials sang Iloilo City sa mga residente nga gilayon mag-evacuate ilabi na kon tuman na ka lain ang tyempo.
Ini ang kasunod man sa epekto sang habagat ukon Southwest Monsoon sa syudad.
Sa interview sang Bombo Radyo kay Punong Barangay Renante Tubola sang Brgy. Calaparan, Arevalo, Iloilo City, iya ginpahayag nga bangud sa tuman ka baskog nga dapya sang hangin, nagkalakakas ang atop sang pila ka mga balay sa lugar.
Suno kay Tubola, kalabanan sa mga partially damaged nga balay ang gin-evacuate na, agud nga indi na sila masamaran.
Ginpahayag man sini nga mismo siya ang naglibot sa ila nga barangay agud masekyar ang pila ka mga puluy-an sang pila ka residente.
Nagpanugyan man ang punong barangay nga magpadulong gilayon sa evacuation center bangud bukas kag preparado ang sila sa amo nga emerhensya.
