ANTIQUE – Ginpangsaylo na ang mga tul-an nga nadala sa naguba nga mga pantyon sa Sebaste, Antique bangud sa malain nga panahon.
Sa interview sang Bombo Radyo kay Ernesto Galido, Officer II sang Municipal Disaster Risk Reduction Management Office sa Sebaste, iya ginpahayag nga 35 ka mga pantyon ang nagkalaguba sa public cemetery kag duha naman sa private cemetery.
Suno kay Galido, ginpangsaylo na ang mga tul-an sa mas mataas nga pantyon.
Gin-athag sini nga tatlo ka tuig na sang ulihi pa nga ginpasudlan sang bangkay sang mga pantyon rason nga tul-an na ang kalabanan sa mga ini.
Ginpahayag sang natungdan nga madamo naman sang mga bagyo nga nag-apekto sa nasambit nga patyo, apang bangud naguba na ang seawall, madasig nga natiphag ang duta nga nagresulta sa pagkala-anod sang mga pantyon.
