Na-record sang Antique Provincial Disaster Risk Reduction and Management Office (PDRRMO) ang pila ka taytay nga indi maagyan sang four-wheel vehicle kasunod man sang malain nga tyempo.
Lakip na diri ang Iloilo to Hamitc road kag ang dalan sa Caromangay, Hamtic, Antique.
Sa interview sang Bombo Radyo kay Broderick Train, head Antique Provincial Disaster Risk Reduction and Management Office, iya ginpahayag nga two-wheel vehicle ukon mga motorsiklo lamang sa subong ang maka-agi sa nasambit nga mga taytay sa Antique.
Suno kay Train, ginarekomenda man sang Department of Public Works and Highways (DPWH) sa mga motorista nga magapadulong sa Antique nga sa coastal road lang anay mag-agi.
Ginpahayag man sini nga passable ang mayor nga mga taytay nga yara sa national road kag wala sang major damages nga natuga sang habagat.
Nagpasalig man ang natungdan nga estable ang structural integrity sang mga taytay kag karsada.
Nahibaluan nga may yara sang 164 ka mga balay ang naguba sa Antique bangud man sa habagat, kon sa diin, 24 ang totally damaged kag 140 naman ang partially damaged.
