Totally damaged ang anom ka mga balay sa Iloilo City, samtang 100 naman ang partially damaged bangud man sa epekto sang hangin habagat.
Sa interview sang Bombo Radyo kay Teresa Gelogo, Head sang Iloilo City Social Welfare and Development Office (CSWDO), iya ginpahayag nga sa mga nasambit nga damages, 139 diri ang mga pamilya nga naapektohan man sang malain nga tyempo.
Suno kay Gelogo, 544 naman ka mga indibidwal ang kabug-usan nga apektado sang nasambit nga kalamidad.
Ginpahayag man sini nga ang iban sa mga pamilya ang yara pa subong sa evacuation center bangud man sa nagapabilin nga mataas nga tubig-baha sa ila lugar.
Nag-abiso naman ang natungdan sa mga residente sang syudad nga magpatuman sang preemptive evacuation kon hinali nga magsaka ang tubig ilabi na ang yara sa mga higad sang baybay.
