Nagapangatubang subong ang pop singer nga si Miley Cyrus sang lawsuit bangud sa iya hit song nga “Flowers.”
Base sa lawsuit, ginkopya ni Cyrus ang “When I Was Your Man” nga kanta ni Bruno Mars.
Ini nga reklamo nga copyright infringement sang Tempo Music Investments, naga- claim nga ginapanag-iyahan sini ang share sang copyright para sa “When I Was Your Man” nga kanta.
Gina-claim sang Tempo Music nga madamo sang musical similarities sa tunga sang ambahahon nga “Flowers” kag “When I Was Your Man” kag maathag nga resulta ini sang hungod nga pagkopya ni Miley kay Bruno.
Suno sa Tempo Music, ang melody, harmony kag chorus sa “Flowers” ang pareho sa mga verse sa “When I Was Your Man.”
Matandaan nga nagdaug sang Grammy Award si Cyrus para sa “Flowers.”
Wala pa sang sabat ang kampo ni Miley kaangot diri.
