Nagakalangkag ang pila ka mga kasilingan ni Former Iloilo City Mayor Jed Patrick Mabilog sa Molo, Iloilo City kasunod sang pagpauli sang anay alkalde sa syudad.
Sa interview sang Bombo Radyo kay Salvacion Caceres, pumuluyo sang Molo, iya ginpahayag nga kon magapadalagan Gidman ang anay alkalde indi ini magduha-duha nga botohon si Mabilog.
Suno kay Caceres, suportado nila kon ano man ang mangin desisyon ni former Mayor Mabilog.
Nagpanindugan man ang natungdan nga wala nagpalagyo ang anay alkalde bangud ginasiguro lamang niya ang iya nga seguridad kasunod sang mga pagpamahog nga iya nabaton.
Nahibaluan nga anay nga gin-tag sang administrasyon ni Former President Rodrigo Duterte si Mabilog nga protektor sang iligal nga druga sa syudad, rason man nga gintawag sini nga ” Most shabulized City” ang Iloilo City.
