Antes nagtakop ang 13 ka oras nga hearing sang quad committee sa Kamara, Septyembre19, ginmandu sang mga mamalidha nga ipaidala si Cassandra Li Ong sa Correctional Institute for Women (CIW) sa sulod sang 30 ka adlaw.
Ini na ang ikaduha nga tion nga gindagdagan sang contempt order si Ong.
Una ini nga ginhimo sang House Quad Committee sang Agusto 28 sang sulit-sulit ini nagpahayag nga “I refuse to testify” kag “I invoke my right to remain silent” sa mga pamangkot nga ginahaboy sang mga kongresista.
Kahapon, nabukaran ang statement sang iya abogado nga si Atty. Ferdinand Topacio nga mas gusto sang iya kliyente nga masaylo sa Correctional sa baylo nga pahuy-an sang committee.
Wala pa sang warrant of arrest para kay Ong halin sa korte apisar nga nagapangatubang ini sang criminal investigations sa human trafficking kag money laundering.
Si Ong isa ka officer sa Whirlwind real estate firm nga nagpaarkila sang ila compound sa Lucky South 99 POGO. Ini nga POGO hub ang gin-raid bangud sa alegasyon ang trafficking kag torture.
Madamo nga beses nga nabutang ang pangalan ni Ong bilang Lucky South representative, apang sa tanan nga tion, ginpanindugan sang 24-anyos nga babaye nga “lessor” lang gid ang iya papel.
Base sa complaints sa money laundering, business associate ni Ong si Alice Guo, kag sang ulihi, natukiban nga nobya siya ni Wesley nga utod sang dismissed mayor.#
