ILOILO CITY – Nagapasalamat si Iloilo City Lone District Rep. Julienne ‘Jam Jam’ Baronda nga nakapauli na sa syudad si former Iloilo City Mayor Jed Patrick Mabilog.
Nahibaluan nga si Baronda ang nangin lyabe agud makabalik si Mabilog sa Pilipinas matapos ginhingyo sini sa quad committee sa Kamara nga mangin resource person ang anay alkalde sa hearing sa drug war sa idalom sang administrasyon ni former President Rodrigo Duterte.
Sa interview sang Bombo Radyo kay Baronda, iya ginpahayag nga nagapasalamat ini nga nahatagan sang kahigayunan si Mabilog nga mangin resource person agud madepensahan sini ang iya kaugalingon batok sa akusasyon ni Duterte nga isa ini ka narco-politician.
Sa subong suno kay Baronda, ang importante amo nga matinluan ni Mabilog ang iya pangalan.
Kun sa politika naman, gin-athag sang mamalidha nga wala pa sila sang pinal nga plano sang anay alkalde kun maga-updanay ang mga ini sa 2025 midterm elections.
