Nagpasalig ang Department of Labor and Employment (DOLE) nga madamo pa nga mga benepisyaryo ang maka-avail sang “Tulong Panghanapbuhay sa Ating Disadvantaged/Displaced Workers” (TUPAD) Program.
Sa interview sang Bombo Radyo kay Jannielyn Magbanua, Labor and Employment Officer III, DOLE 6, iya ginpahayag nga may yara ang mga benepisyaryo sang pulo ka adlaw agud nga magtrabaho paagi sa pagpanglimpyo.
Suno kay Magbanua, magabaton ang tagsa ka benepisyaryo sang P480 kada adlaw sa sulod sang 10 days, kon sa diin, may yara man sang P56 para sa insurance nga magalawig sang isa ka tuig.
Ini ang may kabug-usan nga P5,236 nga mabaton sang tagsa ka benepisyaryo.
Magasugod naman pagpanglimpyo ang mga benepisyaryo buwas nga adlaw, Setyembre 21 tubtob Setyembre 30, 2024.
Gin-athag man sang natungdan nga makaisa ka beses lamang pwede maka-avail ang benepisyaryo sa amo nga programa kada tuig.
Nahibaluan nga may yara sang 7,500 ka mga benepisyaryo ang naka-avail sang amo nga program sa Iloilo City.
