Nagapanindugan si Iloilo 4th District Representative Ferjnel “Ferj” Biron nga lunsay kabutigan ang mga pato-pato nga ginahaboy sa iya ni Retired Police Major Charlie Sustento.
Sa interview sang Bombo Radyo kay Representative Biron, iya ginpahayag nga wala siya natublag sa mga panalambiton nga ginabato sa iya ni Sustento.
Suno kay Biron, wala siya nakabatyag nga may kasumpong siya sa palaabuton nga 2025 midterm elections.
Ginpahayag man sini nga wala ginapabay-an sang iya liderato ang mga problema kag issue nga ginapangatubang sang Distrito.
Gin-athag man ni Biron nga confident siya bangud nagapabilin nga yara ang suporta sa iya sang matag-as nga lideres sang pungsod.
Nagpasalig man ini nga bal-an sang tagsa ka Local Government Unit (LGU) sa 4th District ang matuod nga nagalakalatabo.
Nahibaluan nga sang damlag lang, gin-anunsyo ni Retired Police Major Charlie Sustento nga magapapili ini bilang congressman sang amo nga distrito.
Posible naman nga makasumpong sini si Biron sa nasambit nga posisyon.
