Bukas si Iloilo City Councilor Sedfrey Cabaluna sa mas mataas nga posisyon kon gustohon sang mga pumuluyo sang syudad.
Sa interview sang Bombo Radyo kay Councilor Cabaluna, iya ginpahayag nga madamo pa siya sang kinahanglan nga matun-an, kon sa diin, gin-ako man sini nga may mga pagpanghangkat siya sa gihapon nga maagyan bilang isa ka konsehal.
Suno kay Cabaluna, nagapabilin nga damgo kag indi ambisyon ang iya pagserbisyo sa mga residente kag sa Iloilo City.
Gin-athag man sini nga sa subong, indi pa siya handa nga magbaton sang mas mataas nga posisyon apisar nga bukas ini sa posibilidad.
Ginpahayag man sang natungdan nga nalipay siya kag nagapasalamat sa ginhatag sa iya nga posisyon.
