Wala sang nabaton nga pagpaathag halin sa management sang Iloilo Fish Port Complex matapos nga may nagkaladakpan nga mga indibidwal sa barracks nga nagagamit sang iligal nga druga.
Sa interview sang Bombo Radyo kay Punong Barangay Allan Aurelio sang Brgy. North Baluarte, Molo, Iloilo City, iya ginpahayag nga sa pagpadulong sang ila talatapan sa lugar, cleared na ang barracks kon sa diin nadakpan ang mga indibidwal.
Suno kay Aurelio, wala na sila sang naabtan nga mga tawo kon sa diin, nakasirado naman ang gate.
Ginpahayag man sang natungdan nga halos tanan sa barracks ang ginpangguba na.
Samtang, sa pagpadulong naman sang punong barangay sa management sang Fishing Port Complex, nagsiling sila nga ginahulat nga magbalik ang tagdumala sang kontraktor sang barracks agud maistoryahan ang sitwasyon.
Gintumod man sini nga madamo sang mga trabahador ang nagtinir sa lugar, kon sa diin, ginabulubanta nga 25 ang mga nakapalagyo sang.
