Maga-file sang legal action ang Iloilo 1 Electric Cooperative, Inc (ILECO) batok sa National Grid Corporation of the Philippines (NGCP).
Sa interview sang Bombo Radyo kay Engineer Mike Paguntalan, General Manager sang Iloilo 1 Electric Cooperative, Inc, iya ginpahayag nga nadesisyonan ang tikang matapos ang pag-convene sang mga kooperartiba paagi man sa Electric Cooperative Association Region 6.
Suno kay Paguntalan, igapasa sang kooperatiba ang legal nga tikang nga suspension of N-1 agud nga ma-recover ang ginbayad nga charges sa National Grid Corporation of the Philippines.
Ginpahayag man sang natungdan nga natapos na draft kag inog-file na lang ang tikang.
Gin-athag man sini nga na-refer na ang legal action sa Electric Cooperative Association agud gilayon nga mapadal sa Energy Regulatory Commission (ERC)
