Nagpanawagan ang Iloilo City Traffic Management Unit (ICTMU) sa mga motorista nga ipabilin nga maligwa ang loading and unloading bay sa syudad.
Sa interview sang Bombo Radyo kay Ret. Police Colonel Uldarico Garbanzos, Head sang Iloilo City Traffic Management Unit, iya ginpahayag nga ang Local Public Transport Route Plan (LPTRP) ang pagadugangan sang ordinansa nahanungod sa loading and unloading area sa Iloilo City.
Suno kay Garbanzos, may mga adjustment na sa amo nga tikang matapos ini ginsapolan sa una nga committee hearing sa Iloilo City Council.
Ginpahayag man sini nga ginadihon na ini kag ginahulat na lang ang ika-duha nga committee hearing agud matigayon nga maimplementar.
Gintumod man sang natungdan nga handa naman ang talatapan nga depensahan kag iplastar ang sabat kon nga may yara sang 850 stops nga ginbutang sa dalan sa palibot sang syudad.
