Gin-report sang Department of Environment and Natural Resources (DENR) nga nagdangat sa 350,000 kilograms sang mga basura kag debris ang nakolekta sa bilog nga pungsod kadungan sang pag-upod sa International Coastal Cleanup (ICC) Day kahapon.
74,000 volunteers nga kadam-an kabataan ang nagbulig sa sini nga inisyatibo nga ginpangunahan sang ahensya. May yara man sang mga nag-boluntaryo halin sa government agencies, academic institutions, kag private sector organizations.
Kabahin ini sang adbokasiya nga i-tib-ong ang ihibalo sa impact sang plastic pollution sa marine life kag ecosystems.
Ang ICC isa ka global initiative nga naga-engganyo sa mga komunidad nga pang-hawanan ang mga basura sa baybayon kag alagyan sang tubig kag pasangkaron man ang ihibalo sang publiko kun daw ano ka importante ang pag-proteher sa marine ecosystems.
Ini nga inisyatibo ang nagsugod masobra 35 ka tuig na ang nagligad kag ginapasakupan sang masobra 150 ka ga pungsod.
Halin sang ginlunsar ini, nagdangat na sa 18-million ang volunteers kag naka-tipon sang masobra 380-million pounds sang basura sa bilog nga kalibutan.
