Ginahulat-hulat na lang ni Suspended Tobias Fornier, Antique Mayor Ernesto Tajanlangit III ang resulta sang imbestigasyon kon aksidente ukon gintuyo nga sunogon ang iya nga salakyan.
Sa interview sang Bombo Radyo kay Mayor Tajanlangit, iya ginpahayag nga kaagahon sang nagtawag ang iya nga tinawo agud nga mag-report nga nagakalayo ang iya nga salakyan.
Suno kay Tajanlangit, gilayon siya nga nagdalagan agud nga maguwa sa ila puluy-an, apang sang yara na ini sa garahe, dako na ang kalayo.
Ginpahayag man sini nga indi sila gilayon makapalapit sa salakyan bangud tuman ka dako ang kalayo.
Una na nga gintumod sang Bureau of Fire Protection (BFP) nga nagkoordinar na sila sa Philippine National Police (PNP) agud nga mapadasig ang imbestigasyon.
