Nakahanda na ang Police Regional Office (PRO) 6 sa ila nga ipatuman nga security measures para sa filing sang certificate of candidacy (COC) sang mga kandidato sa masunod nga bulan.
Sa interview sang Bombo Radyo kay Police Lieutenant Colonel Arnel Solis, spokesperson sang PRO6, iya ginpahayag nga nakahatag na sang direktiba si Police Regional Office 6 Director Police Brigadier General Jack Wanky.
Suno kay Solis, nakamandu na ang talatapan sa mga dapat himuon sang city kag provincial directors.
Ginpahayag man sini nga magakoordinar ang tagsa ka head sang ila talatapan sa election officers sa kada banwa agud matumod ang pwersa nga kinahanglanon sa pagpatuman sang security measures.
Gin-athag man sang natungdan nga wala paman sang areas nga na-identify nga yara sa ‘hotspot area’.
Magapatuman naman sang assessment ang kapulisan kaupod ang Commission on Election (COMELEC), agud matumod ang lugar nga makabig nga ‘hotspot area’ para sa 2025 midterm elections.
