Nagpanugyan ang Commission on Elections (COMELEC) Region 6 sa mga nagaplano nga mag-file sang certificate of candidacy (COC) nga sekyaron sang maayo ang ila nga mga requirements.
Sa interview sang Bombo Radyo kay Atty. Dennis Ausan, Regional Director sang Commission on Elections Region 6, iya ginpahayag nga magpadulong na nga daan sa ila talatapan samtang wala pa nagtakop ang deadline sang filing of candidacy agud nga ma-check ang ila mga dokumento.
Suno kay Ausan, isa man ini ka pamaagi agud nga indi na sila mabudlayan pa nga magliwat-liwat.
Gintumod man sini nga ang tuyo lamang sang ahensya amo ang mapatuman sang insakto ang ila nga patakaran.
Gin-athag man sang natungdan nga dapat sulatan ang tanan nga items nga yara sa dokumento agud nga malikawan nga ma-reject.
Nagpangabay man si Ausan nga dapat fresh ukon bag-o ang mga signature nga gamiton sa pag-file sang candidacy kag likawan ang pag-print sini halin sa computer.
