BADIANGAN, ILOILO – Arestado ang isa ka senior citizen matapos nagpanaya sang pusil sa Barangay Catubig, Badiangan, Iloilo.
Ini amo si Renato Cabais, 67, residente sang nasambit nga lugar.
Sa interview sang Bombo Radyo kay Police Staff Sergeant Charlie Glenn Casador, imbestigador sang Badiangan Municipal Police Station, iya ginpahayag nga nagpanaya sang pusil ang biktima sa isa ka menor de edad nga naglabay sa ila lugar.
Suno kay Casador, gindagdagan sang search warrant ang biktima.
Diri kag nakuha sa posisyon sini ang .38 caliber revolver nga may walo ka mga live ammunition kag holster, homemade nga 12 gauge shot gun, magazine kag apat ka mga bala.
Sa subong, preso na ini sa Badiangan Municipal Police Station kag nagapangatubang sang kaso nga paglapas sa Republic Act No. 10591 ukon ang Comprehensive Firearms and Ammunition Regulation Act.
