ILOILO CITY- Natalana nga i-anunsyo ni Iloilo City Mayor Jerry Treñas ang kompleto nga slate para sa Team Uswag sa pinakamadali nga panahon.
Sa interview sang Bombo Radyo kay Miss Joy Facinal Fantilaga, spokesperson sang alkalde, iya ginpahayag nga sa subong, sa Manila pa si Treñas may kaangtanan sa preparasyon sini para sa nagahilapit nga filing sang certificate of candidacy sa una nga semana sang Oktubre.
May kaangtanan naman kay Executive Assistant Sheen Marie Mabilog nga una na nalakip sa line-up sang mga councilor sa grupo ni Treñas apang nagsipak ini, ginpahayag ni Fantilaga nga wala pa sang direkta nga sabat ang alkalde tuhoy sa status ni Mabilog.
Naggwa man ang impormasyon nga pagabuslan ni Atty. Sheila Olid si Mabilog sa mabakante sini nga slot.
Kadungan sang isyu sang pagsipak ni Mabilog, ginpahayag naman sang alkalde paagi kay Fantilaga nga ginhatagan kag ginbuligan nila si Sheen Mabilog sang ti-on nga nagkinahanglan ini sang bulig kag ubra kag gin-upod pa sa line up sa Team Uswag.
