Handa ang Team Uswag ni Iloilo City Mayor Jerry Treñas sa kon ano man ang posible matabo sa palaabuton 2025 midterm elections.
Sa interview sang Bombo Radyo kay Ms. Joy Fantilaga, spokesperson ni Mayor Treñas, iya ginpahayag nga halin sang-una, ang Team Uswag ang gina-prioritize ang maayo nga pang-gobyerno, interes sang pumuluyo kag indi ang personal nga ambisyon sa politika.
Suno kay Fantilaga, bilang respeto kay House Speaker Martin Romualdez, bukas ang ila grupo agud nga magpamati sa advice sang mamalidha.
Ginpahayag man sini nga preparado ang Team Uswag sa kon ano man ang mga pagpanghangkat nga ila maatubang kasunod sang mangin desisyon.
Gin-athag man sang tigpamaba nga kon hinali nga indi magpasugot ang piyak nga partido sa kasugtanan sang alyansa, ang Team Uswag ang may yara sa gihapon magarepresentar sa eleksyon paagi ila gindihon nga slate.
